बेहोस भएका डिल्लीलाई साढे २ बजेतिर स्थानीय ग्रामिण रुग्णालय ट्रमा केयर सेन्टर भुसावल लगिएको थियो । अस्पतालले दिउँसो ३ बजे उनलाई मृत घोषणा गरेको र पोष्टमार्टमपछि उनको शव नेपाल ल्याउने तयारी भइरहेको मृतकका आफन्त तिलक विकले जानकारी दिए ।
डिल्ली विक परिवारका एकमात्र कमाइ स्रोत थिए । पाँच महिना अघि मात्रै उनी घर आएर परिवारका लागि कमाउन पुनः भारत फर्किएका थिए । उनको निधनले घरमा आमा, श्रीमती र दुई छोरीहरू अब बेसहारा भएका छन् । मृतक विक भारतमा भिनाजु निमबहादुर विक र छिमेकी टेकबहादुर विकसँगै होटलमा काम गरिरहेका थिए ।
